NEWS

Bodi ya Korosho Tanzania (CBT) imetenga zaidi ya shilingi milioni 200 kwa ajili ya kuendesha mpango wa kuimarisha huduma za ugani utakaotekelezwa kwa awamu ya kwanza katika mikoa ya Mtwara, Ruvuma, Lindi na Pwani.

Kulingana na taarifa ya Mkurugenzi Mkuu wa Bodi hiyo Bwn. Francis Alfred amesema mpango huo ni kiungo muhimu katika kuwafikishia wakulima ujuzi na teknolojia mbalimbali zinazogunduliwa na watafiti ili kutatua vikwazo vinavyokwamisha kuongezeka kwa kiwango cha uzalishaji na tija.

Amesema katika utekelezaji wa mpango huo, Bodi ya Korosho itashirikiana na Sekretarieti za Mikoa na Mamlaka za Serikali za Mitaa ili kuhakikisha huduma za ugani zinawafikia wakulima kupitia maafisa ugani.

Hatua hiyo inatokana na lengo la kuongeza uzalishaji wa korosho ghafi kufikia tani 700,000 ifikapo mwaka 2025/2026.